台語文~~~~~愚人節~~~~~遊子
今仔日是愚人節，逐家愛卡小心，毋通予人創治去，如果想欲創治別人，嘛毋通傷過份喔！愛有斬節才是‧
佇遮有幾項仔新制度實施，逐家愛注意，才﹝勿會﹞收到罰單加開錢，這毋是騙人的喔！
(1).糞圾強制分類：勸導期結束囉！今仔日開始糞圾強制分類，分做一般糞圾、資源回收和廚餘‧先分好
才會當hiat去糞圾底，抑無愛罰1200~6000箍的罰款‧
(2).每工真濟人lim的鮮奶，今仔日開起價啦！
(3).車輛使用牌照稅今仔日開始4/1~5/2是徵收期‧不過，計程車今年起是免徵收牌照稅，如果無在徵收
期繳納，嘛是愛罰款喔！
(4).廣告詞無完整，有欺騙消費者嫌疑，提供廣告的公司愛罰款，代言廣告的藝人嘛愛受到連累受罰‧侵
像最近麥當勞”義式咖啡亦是茶免費贈送”活動，其實是愛先抽籤，得到獎券才是免費，並毋是每一個消
費者攏免費，代言廣告的藝人楊丞琳就受到連累受罰‧伊嘛流目屎喝衰啦！所以，代言廣告的藝人嘛愛小
心注意‧
其實，今仔日有一個真大的愚人活動，就是台東縣的縣長補選‧咱看予法院判刑貪污弊案的人照常會當當
選，予政府停職後，又假離婚，推出伊的牽手出來參加補選，自頭到今，攏受到中國國民黨的全力支持，
喙講欲清廉斬烏金的黨主席兼台北市長，去美國風神膨風轉來，隨去台東輔選，甘有影是欲清廉斬烏金的
？阿九仔黨主席兼台北市長的政治道德標準佇叨位？是什麼？台北市政放著拋荒無要緊，先復去騙台東縣
民，續落來將台北市攏準做愚人、戇人，續尾仔是將全台灣人看做愚人、戇人啦！這是2006年全台灣上大
的愚人活動啦！
全站熱搜
留言列表
