jimmycmlin的部落格

台語笑科集(8)~~~~~臆看是佇做什麼事誌？~~~~~遊子
(1).雄雄狂狂將你抱去眠床頂，
慢慢仔拍開你的外褲頭結，
恬恬仔褪掉你的內褲截仔，
溫柔來親著你的面頂皮仔，
輕聲仔對你講：
心肝仔寶貝，來！換一個姿勢，
乖！來喔~~！
(以上是阿母佇為嬰仔換尿布啦！)


(2)自從bhat你了後，
我已經深深愛著你啦！
你放出來一陣一陣的芳味，
不時在我的頭殼內走來zong去，
對你馦瞿瞿的激烈感受，
不時在我的喙唇邊回味‧
誠肖想你啊！
(以上是佇講肯德基芳又馦的雞翅啦！)


(3)會記得迄暗？
咱坐相對面，
互相恬恬攏無講半句話‧
你用双手起狂摸，
我嘛雄狂用双手(扌沙)，
咱就摸來(扌沙)去，
突然間，
你大喝一聲：
啊~!清一色，自摸食胡啦！
(以上是佇講拍麻雀/麻將啦！)
(4).老爸是1個大戇呆，有1工帶伊的細漢囝去食做生日的宴會‧
上尾仔出來1盤壽桃，伊的細漢囝毋知禮數，天真大聲喝講：
“這真親像尻川喔！”
在座的人客攏將目睭撥大大蕊，想欲看伊的老爸按怎教示伊？
即時陣，無想到伊的老爸將壽桃慢慢仔撥開，笑笑仔講：
“你看！~~~內面復有包1糊屎喔！”