jimmycmlin的部落格

用藥保健~~~~~病囝愛歡喜~~~~~遊子
現代的少年族群流行慢婚、慢生囝甚至無愛生，其實世傳世，一代接一代是非常重要的事誌啊！
人生雖然無法度十全十美，不過，傳後代是﹝勿會﹞當閃避啦！自古以來，有身孕的準媽媽，上
頭先2-3個月時，定定會出現母身無爽快的情況，這是真普遍的現象，在4000年前，希波克拉提
斯的醫學冊內底就已經有記載‧
有的準媽媽歸工想欲吐，鼻著特殊的氣味就想欲翻腹，有時陣自透早吐到暗，看到平時食的物件
，顛倒無胃口，愛食一寡仔奇奇怪怪的物件，一般佇最後一擺月事算起第5禮拜的時間算起，在
第8~12禮拜的時間內上嚴重，復過就會漸漸減輕，恢復正常的習慣，這個現象咱叫做”病囝”，
華語叫做”害喜”啦‧
最近的研究報告指出：準媽媽”病囝”是可喜、愛歡喜的事誌喔！因為有”病囝” 現象的準媽媽
，和”無病囝” 的準媽媽比較，落胎率減少一半以上喔！新生兒的死亡率嘛明顯降低真濟，所以
講，有”病囝” 現象的準媽媽，上尾仔的表現是卡好‧
有學者專家解說講：有身孕的頭仔12禮拜的時間內，是胚胎器官拄仔欲發育的關鍵期，上會受到
外來有害成份的影響到，如果是有毒害物件，會造成畸形胎兒的情況，即時陣，嘛是母體免疫抵
抗力降低的時，所以，母體有”病囝” 現象時，會當予準媽媽避免食到有害的物件，對腹肚內的
胎兒是一種真好的保護作用‧
另外，有學者專家由有身孕的準媽媽抽血檢驗，發現到母體有”病囝” 現象時，母體內有卡懸濃
度的賀爾蒙，這個賀爾蒙主要是和胎盤功能有密切關係的絨毛膜性腺激素和黃體激素；有卡懸濃度
的賀爾蒙，就有卡健全的胎盤功能，所以，才會表現出落胎率減少和新生兒的死亡率嘛明顯降低的
結果‧
所以，學者專家建議：毋免傷煩惱”病囝”的問題，將”病囝” 現象看做是有身孕時體內賀爾蒙
的調整反應爾爾，毋是病症啦！有”病囝” 現象時，愛歡喜‧順著準媽媽的感覺，食家己愛食的
物件，mai勉強食無愛的物件‧當然在併有腹肚疼、吐到有脫水情況時，一定愛緊去病院予醫生診
斷治療，因為這可能毋是單純的”病囝” 現象啦！