jimmycmlin的部落格

莊子講(52)~~~浮遊於道德~~~遊子
有1工，莊子行佇山路中，看到幾仔叢真大叢的樹仔，枝葉發著真旺、真濟，但是
攏無看到木匠師去將in剉來做材料‧
莊子就問木匠師講：恁是按怎無愛剉這大叢樹仔來做材料？
木匠師應講：in就是無用的樹仔，才會當生甲赫大叢，企佇遮赫呢阿久啊！
莊子下山以後，去拜訪1個朋友‧朋友看莊子來訪，就交待下跤手的人去﹝台刂﹞
1隻鵝來配酒‧
下跤手的人講：大人啊！咱兜有2隻大隻鵝，1隻真ghau叫，1隻無什麼愛叫，到
底應該﹝台刂﹞叨1隻才好啊？
莊子的朋友講：﹝台刂﹞迄隻無什麼愛叫的好啦！
莊子的徒師仔聽到伊的朋友按呢講感覺真疑惑，就問莊子講：先生啊！昨昏佇山
頂看到的大叢樹仔，因為無用才有法度活赫久來終in的天年，不過，今仔日看到
即隻鵝仔，顛倒是無什麼愛叫，愛先受死！請問先生，阮做人到底應該按怎樣來
自處？
莊子笑笑仔講：我會企在無用和有用的中間，不過，佇實際生活中來講，企在無
用和有用的中間，嘛是愛受到累贅的啦！所以，只有順應變化，無什麼無用，嘛
無什麼有用啦！綴著自然之道四界浮遊，才會當免於困頓啊！
所以講：人世間的道德觀念，攏是相對的，一般所認為的有用和無用，嘛是相對
的，無一定的對不對，無一定的好毋好；所以，大智慧者愛超過相對的道德觀念
來處理世間事‧