jimmycmlin的部落格

用藥保健~~~~~居家用藥保健諮詢站~~~~~遊子
咱人每工食五穀雜糧，難免有時陣拄到3長2短的情況，當然，即陣咱台灣的全民健保制度
辦理著袂bai，在全世界來講算是俗復大碗啦！不過，咱要復卡愛惜咱的健保資源，所以，
政府推動"居家自我照護"運動，意思是平時稍可仔無拄好，會使家自處理應付，毋通動袂
著就去病院揣醫生‧


咱要按怎樣來做好"居家自我照護"的工課？其實，在咱社區茨裡附近的藥師藥局就是咱民
眾上好的好茨邊啦！咱攏知影：有並去看醫生，用藥去問藥師‧所以，有重病大麻煩時，
一定要緊去病院揣醫生，毋通拖；不過，在日常居家生活中，親像：由病院看病完領的大小
包藥仔、國外遊覽帶返來的藥仔、序細親朋好友送的藥仔亦是健康食品、身軀稍可仔無爽快
等等，即時陣，毋通細膩毋敢開喙，因為"藥就是毒"，用著正確是治病，用不對是會致命
啊！所以，一定緊去恁茨附近的社區藥師藥局，向藥廠問清楚，才是正確掛保證喔！
在網路發達的時代，由網路上揣用藥保健的資料所在嘛真濟！不過，內容素質無一定攏真好，
有的是干哪在賣藥仔亦是健康食品爾爾，即馬，紹介1個好網頁予逐個朋友來參考，就是：
桃園縣藥師公會網頁(http://www.pharmacist.org.tw/cht/)
絕對無商業行為，完全以維護社區民眾的健康為目標，由專業藥師群，平時深入逐所在社區
的藥局、病院診所的藥局來服務社區民眾，深入社會大學、中小學、社團等等，進行"居家
用藥保健"的宣導，深入社會的基層、監獄看守所等等，進行"反毒、藥物濫用與愛滋防制"
的宣導，服務需要受幫助的社群‧逐個朋友有居家用藥保健問題，嘛會使進入藥師公會網頁
直接提問，真緊就會當得到回覆喔！
為著咱家自和茨內人的健康，會使定定進入去"桃園縣藥師公會網頁"瀏覽看覓，相信袂予
逐個朋友失望啦！