台語文~~~~~親像得到電腦癮~~~~~遊子
最近正10工來，舊的電腦送修猶未好，好佳載有查某囝的簿子型電腦通替用，
暫時上網看資料是無問題，不過，總毋是家己原本的電腦，囥的資料無共，在
寫文章、揣資料時，總會感覺無順手‧這嘛是無法度的事誌啦！
每工有閒就來摸電腦上網路，加減看，加減寫，加減收批，加減寄批，無分親友
在叨位，實在是真正方便，古早人講：秀才無出門，通知天下事‧即馬，只要會
曉上網路，每人攏嘛比秀才復卡厲害耶！
有1工攏無電腦時，又毋是無閒的時陣，心內感覺怪怪，稍可仔空虛、空虛，這
就親像得到電腦癮啦！嘛算是物質成癮的一種症頭，嚴格講起來，是無好的現象，
上好要面對當下，有嘛好，無嘛好，日子照常歡喜過，才是正確健康的路啊！
全站熱搜
留言列表
