jimmycmlin的部落格

台語文~~~~~毋通做呆人~~~~~遊子
會記得細漢時，看到阿爸貼在壁頂的字條：”請寬諒力量不足，保證一切謝絕‧”
心內非常好奇，雖然有問過阿爸，嘛聽過阿爸詳細解釋過，不過，猶原是鴨子聽雷
，只會記得阿爸講的1句話：按怎嘛毋通做呆人！後來，到高中時才普普仔瞭解阿爸
講的意思‧出社會到今，嘛確實遵照阿爸的交待，無去做呆人‧


毋通做呆人到底是什麼意思？
“做呆人”就是”做保”啦！就是為別人做保任、做保證的意思‧抑準目睭撥無金
，心頭企無在，拄到歹親友時，可能為別人擦尻川，賣茨替別人還債務喔！
在民間簽保證契約時，一般分做”一般保證”和”連帶保證”2種，上大的差別在：
是毋是有”先訴抗辯權”，亦就是先去起訴主債務人的權利‧
在債務發生問題時，”一般保證人”會當先提出”先訴抗辯權”，要求債權人先去
向主債務人追償債務，抑是”連帶保證人”就無這項權利啦！”連帶保證人”需要
直接面對主債務人的債務來負責償還問題‧
所以，咱一般人為著人情、友情、親情等等，需要為別人簽名做保證進前，一定要
看清楚所簽的到底是”一般保證契約”亦是”連帶保證契約”？抑是所簽的是”連
帶保證契約”，就表示你放棄”先訴抗辯權”喔！以後，萬一在債務發生問題時，
你就會直接予債權人向你追償債務，和主債務人負完全共款的責任啊！
所以，咱要先小人後君子，絕對毋通做呆人啦！