jimmycmlin的部落格

台語文新聞辭典~~~~~NEET族是米蟲~~~~~遊子
世界生活環境一直在改變，日本出現”食老族”，中國叫做”啃老族”，在歐美國家
嘛出現” NEET族”‧什麼是” NEET族”？其實就是咱所講的”米蟲”差不多啦！
NEET族的原文是：Not in Education , Employment , or Training ‧是指一
種人亦無繼續在讀冊，亦無在做事上班食頭路，亦毋肯接受專業訓練，來培養生活技
能，自我積極認真打拼的人‧


在社會上有人認為NEET族是獨身的寄生仔，是和無路用的廢人差不多‧會出現這款人
，可能是傳統社會對少年人期待卡懸，尤其對查埔囡仔；嘛可能即馬做事上班食頭路
的所在，競爭比以前復卡厲害，亦有即馬的家庭經濟普遍比以前卡富裕，囡仔亦生少
，變成卡寵幸囡仔，造成即馬的少年人卡無法度食苦，出社會一開始就想欲”食好做
輕可”，像華語所講”錢多事少離家近”共款啦！茨內祖公仔產有賰淡薄仔，免煩惱
生活的食穿，漸漸有樣看樣，就變成一種風氣，變成一種新的族群‧尤其是全世界性
的喔！


NEET族和啃老族、食老族、米蟲等等完全共一樣啦！簡單講就是”欲食毋做”啦！所
以，﹝人因﹞的特點就是：
(1).賴予父母，歸工浸在茨內，無欲出去外頭做事上班食頭路‧
(2).生活上無正確的目標，所以攏無打算，過1工算1工‧
(3).漸漸無想欲參加外頭的活動，對出去外頭做事上班食頭路無信心，心內真驚惶‧
無法度踏入社交場合，外表看起來失志失志、無意無意‧
所以，俗語講：倖豬舉灶，倖囝不孝‧即款人需要邊仔的親朋好友來鼓勵，咱邊仔抑
是有即款人，咱要好好仔幫助伊，予伊緊行出人生寬闊的新路途。