台語文~~~~~閹雞~~~~~遊子 2010.09.24.
現主時雖然行行要求考證照，毋過，猶有寡仔傳統行業的技術，雖然考過證照，實在生活中無法度發揮，嘛是要靠傳統的師父來動手，親像閹雞這行業，由有牌的獸醫來動手，要麻醉，連工帶麻醉藥費佮出診費，是貴甲未摸哩！每隻雞上少要開300~400箍銀，比較傳統的師父來動手才60箍銀左右，實在差真劑‧
每擺佇過年過節亦市寺廟迎鬧熱，時常會當看到大豬公、大閹雞等等，大閹雞是按怎樣飼會使飼到15斤以上？大閹雞的閹雞是名詞，大閹雞需要佇雞角仔時就需要予閹雞的師父來動手，這時閹雞是動詞喔！會記得細漢時阮兜有飼雞，每陣攏由雞仔囝飼起，幫忙清理雞櫥的雞屎，我嘛做有到，嘛有看過閹雞的師父來閹雞‧
閹雞的傢私頭仔無幾項，一般有：附著鑷子的刀片、彈簧的夾子、細支杓子、釣魚仔線[有時是棕櫚線]、消炎藥片等等‧
會記得閹雞的師父赤腳將雞角仔固定佇地面，挽掉正爿第2支排骨仔邊的毛，挽掉差不多有10箍的銀角仔大，續落用刀仔片劃開一巡，閣用彈簧的夾子張開，調整好彈簧，未當傷鬆嘛未當傷an5，才未去傷到雞角仔的排仔骨，續落用鑷子撥開lan7-核仔的外膜，用釣魚仔線來細力仔鋸，割除親像土豆仁大的lan7-核仔，才閣用細支杓子將lan7-核仔kat起來，續尾將彈簧的夾子放開，予孔嘴合起來，上尾仔將1粒消炎藥片塞入去雞角仔的嘴內，規個閹雞的過程就完成啦！熟手的師父頭尾免2分鐘‧
嘛會記得閹過的雞角仔，過1~2工亦是活跳跳，恢復著真正緊，閹過的雞角仔，因為體內賀爾蒙的改變，變成會食緊做肉，大著閣較緊，超過10台斤是真時常的代誌，迎鬧熱比賽的大閹雞，定定嘛超過15~6台斤以上啊！
全站熱搜
留言列表
