台語文~~~~~甘蔗無双頭甜~~~~~遊子
各位評審先生佮在場的朋友，逐家好！我是第x號，今仔日我bhue講的題目是：
甘蔗無双頭甜，甘蔗無双頭甜！
相信咱逐家攏有聽過“台灣糖竉，有去無回‧”表示這百年來咱台灣，糖的出口真
濟‧為咱台灣人賺到真濟錢‧咱嘛知影甘蔗就是做糖的原料，所以，踮佇歸大片的
甘蔗園仔邊，企即爿看無迄爿，綴佇載甘蔗的細台火車後壁jiok，順suah偷抽甘蔗
來keh，雖然有淡薄仔危險佮毋對，不過是真趣味喔！he嘛是阮即馬對細漢時，甜
蜜的記知！逐家嘛攏有keh過甘蔗的經驗，知影甘蔗是有bhat著塗迄爿的頭仔卡甜
，卡幼的尾仔爿卡無甜‧這就是“甘蔗無双頭甜”啦！
安呢“甘蔗無双頭甜”猶搁是什麼意思？即句話是講：逐項代誌攏有好的一面，嘛
有bhai的一面，對代誌的處理，定定是無法度抹壁双面光，頭仔尾攏顧甲到到到‧
會當好好仔做，將代誌處理互圓滿，會當做到甘蔗双頭甜是上好啦，抑無是愛安怎
卡好？我認為咱愛有“甘蔗顛倒食的精神”‧咱嘛了解，佇經濟環境無好，生活艱
苦的時陣，咱攏真認份拍拼，讀冊嘛好，學師仔工嘛好！做什麼sit頭攏共款，為著
家己，為著茨內的大大細細，食苦准做食補，做甲無暝無日‧只要是一步一跤印，
跤踏實地去做，咱嘛相信：gia頭3尺有神明‧人佇做，天佇看‧一路行來，用流汗
去iah秧仔，就會當歡喜來收割‧因為，天公伯仔一定會來幫助家己會拍拼的人‧咱
家己抑是茨內的經濟佮生活環境，就漸漸會當來改善‧這就親像甘蔗顛倒keh，會愈
來愈甜共款啊！這甘毋是真正好的代誌？
不過，抑準1間公司經營了無若好，拄到經營上的難關，可能有幾條路通選擇：(1).
逐家薪水減少，毋過，攏會當留落來‧(2).裁員，一寡仔人無頭路，賰落來的繼續拍
姘‧(3).公司解散，遣散費分分著，隨人轉去食家己‧(4).互別間有才調的公司來合
併，續落的路互新頭家去決定‧萬一正經拄到安呢，頭家佮薪勞就愛好好參詳，咱逐
家的未來，會當咱家己決定是上好啦‧互公司佮個人的損害減到上少，互公司會當搁
一擺企起來，互留落來的員工，未來有希望，互姑不膩將需要離開的員工，暫時無生
活上的煩惱‧毋管叨一種決定，攏一定有好有歹，順了嫂心失姑意‧這就真正需要逐
家用腦筋，互相關心、互相照顧，同齊cue出上適當的辦法‧
萬一愛搁一擺由頭重來，咱就愛搁抱著前仔的精神來拍拼‧雖然講：甘蔗粕，keh無
汁‧不過，甘蔗粕猶原會當提來燃火，做甘蔗枋等建築材料；所以，咱一定毋通失志
，俗語講，一支草一點露，天無絕人之路‧嘛講：愛拍斷手骨顛倒勇‧咱就搁一擺來
發揮“甘蔗顛倒食“的精神，認真拍拼‧
上續尾，就用“甘蔗無双頭甜”來互相勉勵，互咱的社會搁卡和諧、快樂，咱逐家的
未來搁卡有嚮望！感謝！
留言列表
