jimmycmlin的部落格

逐家平安！今仔日開始佇遮﹝要卜﹞增加一個用藥保健的園地，希望佇遮會當提供
一寡仔和顧身體、保健康有關的資料，互逐家參考搁幫助保健，咱嘛攏知影，有健
康的身體，才有快樂的人生，享受咱家己﹝扌卜﹞拼的成果‧安呢，咱食搁卡長歲
壽，才有意義！才有意思！即馬就提出第一篇喔！
用藥保健~~~~~全民健保下，你的權利知影若濟？~~~~~遊子
咱去病院看病的時陣，毋當﹝勿會﹞記得咱的5項權利：
(1).知影的權利：一定要提到收據佮藥仔的明細單‧咱才知影用去若濟錢，食什麼
藥仔，後擺萬一搁去看病，會當互先生參考‧
(2).選擇的權利：是不是要檢查、一定要開刀？咱家己會當決定；抑準要開刀，咱
﹝要卜﹞佇哪一間病院抑是哪一個先生，攏是咱的選擇權利‧
(3).拒絕的權利：有一寡仔病院抑準胡亂叫咱繳錢，加東加西，做無必要的檢查，
咱要甲拒絕；抑是用健保卡換物件，嘛是不對，咱要甲拒絕，搁會當向健保局撿
舉甲伊處罰‧
(4).省錢的權利：省錢是病人的基本權利，要養成看固定的家庭先生的習慣，破病
卡嚴重時才去大病院，安呢，省錢佮省時間‧病情穩定的慢性病，會當要求先生開
慢性病的藥單，毋免每擺攏去病院‧平時做好自我保健的工課，利用健保定期免費
體檢，有病會當卡早發現，卡早治療‧
(5).撿舉的權利：對不法的病院，咱有申訴佮撿舉的權利‧利用健保局免錢電話~
0800212369專線，抑是台北郵政117之900號信箱，嘛會當用e-mail、親身到
各地區的健保局申訴‧互不法的病院受到應該有的處罰‧