用藥保健~~~~~反式脂肪(Trans Fat)~~~~~遊子
現代人為著健康的關係，毋敢食動物油脂，真濟人毋管是毋是食素的，攏改用植物油；
甘有影食植物油就一定卡安全的？即馬，有歐美的研究報告講：反式脂肪(Trans Fat)
已經互人公認是殺手脂肪囉！嘛是共款對心血管的健康有敗害，反式脂肪嘛攏藏佇咱日
常生活的食物中，咱﹝勿會﹞當無來瞭解和無認識伊‧
認識反式脂肪：
咱攏知影植物油是含有大量無飽和脂肪酸的優點，但是，無耐高溫來炸，會受氧化和變
酸的缺點；所以，業者就利用氧化作用來改變植物油原本的結構，互植物油變成耐高溫
、好保存、卡﹝勿會﹞變質；不過，佇進行氧化作用的過程中，就會產生危害咱健康的
反式脂肪‧
反式脂肪對咱健康有什麼危害？
因為反式脂肪入到咱體内，會轉變做無法度分解的反式脂肪酸，會增加低密度脂卵白
(LDL)，降低高密度脂卵白(HDL)，長期食用落來，卡會得到心臟病、動脈硬化等等，
對糖尿病患者的危害搁卡嚴重，對幼嬰仔嘛可能造成腦部的病變‧所以，反式脂肪酸的
危害，嘛有可能比動物性的飽和脂肪酸卡懸喔！
什麼物件含有卡懸的反式脂肪？
所有炸的物件，親像：雞排、雞塊、香酥雞、豬排、蕃薯條、油車粿、洋芋片、速食麵
、多那滋、人造奶油、奶精、烘蘇油、雞卵糕、麵包、餅乾、西洋式派、囡仔食的庶饈
仔等等‧攏算是喔！
按怎樣來減食到反式脂肪的物件？
目前，醫學界猶未研究出食到反式脂肪的安全量，所以，隨人顧生命，健康的一般人，
當然是食愈少愈好，抑是有慢性病的人，搁卡愛注意；莫怪有人講：伊攏是全素食，不
過，健康檢查時，低密度脂卵白(LDL)一直真懸，顛倒是高密度脂卵白(HDL)偏低‧he
毋是無原因的啦！專家建議講：
食品包裝頂若是有標示：精緻植物油，有氫化(Hydrogenated)、半氫化、硬化的大豆
油、(沙拉油) 、椰子油、棕櫚油、芥花子油、植物性奶化油、植物性乳瑪琳等，就是
表示含有反式脂肪佇內面‧愛盡量加食天然的物件，減食人為加工的物件，尤其含有反
式脂肪的物件‧
反式脂肪的問題已經受到世界逐國的重視，美國FDA嘛規定自2006年起，所有的食物愛
標示出反式脂肪的含量‧咱嘛期待咱的衛生食品管理當局，會當和世界同齊來重視即的
問題，來保護咱民眾的健康‧
現代人為著健康的關係，毋敢食動物油脂，真濟人毋管是毋是食素的，攏改用植物油；
甘有影食植物油就一定卡安全的？即馬，有歐美的研究報告講：反式脂肪(Trans Fat)
已經互人公認是殺手脂肪囉！嘛是共款對心血管的健康有敗害，反式脂肪嘛攏藏佇咱日
常生活的食物中，咱﹝勿會﹞當無來瞭解和無認識伊‧
認識反式脂肪：
咱攏知影植物油是含有大量無飽和脂肪酸的優點，但是，無耐高溫來炸，會受氧化和變
酸的缺點；所以，業者就利用氧化作用來改變植物油原本的結構，互植物油變成耐高溫
、好保存、卡﹝勿會﹞變質；不過，佇進行氧化作用的過程中，就會產生危害咱健康的
反式脂肪‧
反式脂肪對咱健康有什麼危害？
因為反式脂肪入到咱體内，會轉變做無法度分解的反式脂肪酸，會增加低密度脂卵白
(LDL)，降低高密度脂卵白(HDL)，長期食用落來，卡會得到心臟病、動脈硬化等等，
對糖尿病患者的危害搁卡嚴重，對幼嬰仔嘛可能造成腦部的病變‧所以，反式脂肪酸的
危害，嘛有可能比動物性的飽和脂肪酸卡懸喔！
什麼物件含有卡懸的反式脂肪？
所有炸的物件，親像：雞排、雞塊、香酥雞、豬排、蕃薯條、油車粿、洋芋片、速食麵
、多那滋、人造奶油、奶精、烘蘇油、雞卵糕、麵包、餅乾、西洋式派、囡仔食的庶饈
仔等等‧攏算是喔！
按怎樣來減食到反式脂肪的物件？
目前，醫學界猶未研究出食到反式脂肪的安全量，所以，隨人顧生命，健康的一般人，
當然是食愈少愈好，抑是有慢性病的人，搁卡愛注意；莫怪有人講：伊攏是全素食，不
過，健康檢查時，低密度脂卵白(LDL)一直真懸，顛倒是高密度脂卵白(HDL)偏低‧he
毋是無原因的啦！專家建議講：
食品包裝頂若是有標示：精緻植物油，有氫化(Hydrogenated)、半氫化、硬化的大豆
油、(沙拉油) 、椰子油、棕櫚油、芥花子油、植物性奶化油、植物性乳瑪琳等，就是
表示含有反式脂肪佇內面‧愛盡量加食天然的物件，減食人為加工的物件，尤其含有反
式脂肪的物件‧
反式脂肪的問題已經受到世界逐國的重視，美國FDA嘛規定自2006年起，所有的食物愛
標示出反式脂肪的含量‧咱嘛期待咱的衛生食品管理當局，會當和世界同齊來重視即的
問題，來保護咱民眾的健康‧
全站熱搜
留言列表
