jimmycmlin的部落格

用藥保健~~~~~胃食道逆流~~~~~遊子
報紙寫著：1個59歲的查埔人，最近10年來攏定定感覺心頭悶悶無爽快，雖然有予醫生看，
嘛攏準是心臟病來醫，食藥仔攏有時好有時bhai；最近病症惡化，在原本醫生的建議下，
轉看胃腸科醫生，才正確診斷病母是胃食道逆流‧對症下藥以後，已經改善真緊和進步真濟
，予伊非常歡喜‧
胃食道逆流症是什麼情況？
咱的胃親像1個布袋，有開2個口，正常時陣，頂仔叫做賁門，算是入口，下仔叫做幽門，算
是出口；賁門是連接著胃和食道，幽門是連接著胃和12指腸；正常情形是物件單單由食道通
過賁門入去胃內，是單行道共款，不過，賁門故障無正常時，胃內的物件主要是胃酸，會倒
溢衝往去頂仔的食道，定定出現即種無正常情形時，胸口心頭就會感覺悶悶無爽快，親像火
佇燒的感覺，俗語講火燒心‧如果酸水走到搁卡頂懸的所在，倚著嚨喉頭和肺管頭時，會造
成刺激來咳嗽，卡嚴重時引起夏龜喘，亦是不時感覺嚨喉頭有物件梗著無爽快‧真濟人拄仔
起頭是去看心臟科、呼吸科、耳鼻喉科等等，看一輪透以後，上續尾仔才去看胃腸科，才掠
到病母，正確診斷出病症‧
正確診斷檢查的方式是靠照胃鏡‧預防之道是：體重超重、卡大箍的人，腹肚內的壓力比較
卡大，卡會壓迫著重胃壁的外緣，引起胃酸逆流；一般人愛減輕工作上、課業上、生活上等
等的壓力，嘛避免食宵夜、食殤甜、傷馦、傷刺激的飲料，才會當避免刺激胃酸分泌傷濟，
嘛毋通穿傷綁的褲，睏眠愛有夠，保持定期的運動習慣等等‧
在日常健康保健時咱攏知影：有病看醫生，用藥問藥師‧不過，親像報紙寫的例，拖10冬才
正確診斷出病症，實在嘛真不可思議啦！