jimmycmlin的部落格

七字仔詩~~~藥物濫用防制~~~遊子
燒酒入喉真正芳，喝拳飲酒面紅紅；(芳pang；喝huah；飲lim)
續尾歸身茫茫茫，路上駛車危險藏。
薰酒檳榔毋通毣，噗薰肺癌會來觸；(毣bhak；噗bok；觸dak)
飲酒傷肝又歹腹，檳榔哺久就拾角。(腹bak；哺bo；拾kiorh；角kak)
紅中白板孫悟空，安仔練丹佮亞當；(當dong)
蝴蝶搖腳鳥鼠尾，白粉水路用筆撞。(撞dong)
起頭用著感覺爽，開錢大把無法擋；
頭暈目暗欲掠狂，心急氣喘命綴亡。(掠liah；綴due)
轟趴歌舞真趣味，朋友做伙要細膩；(膩ri)
飲料無封就注意，受害總佇無張持。(持di)
毒品成癮人就悿，學業頭路家庭歉；(悿tiam；歉kiam)
了錢敗身真悽慘，拄到毒品一定閃。(拄du；閃siam)
註：
配合”藥物濫用防制”的宣導，想講寫一篇七字仔詩，其實嘛會當利用
國語的”捕魚歌”來唱，嘛感覺趣味、趣味喔！
後壁的羅馬字母音標是用通用系統，不過，無標出第幾聲。