jimmycmlin的部落格

新聞辭典~~~~~血筋圖譜~~~~~遊子 2009.07.12.
佇電子科技發達的時代，進出門戶、重要關卡、操作電腦、精密先進儀器等等，攏需要辨認身份是毋是正確，市面上的辨認身份系統嘛百百款；最近媒體報導：日本廠商研究推出靜脈活體辨認系統，什麼是靜脈活體辨識系統？
靜脈活體辨認系統主要以手指頭仔來做，所以，亦叫做指靜脈活體辨認系統，伊是利用近紅外線hip下個人手指頭仔的靜脈圖譜為標準本，用來進行個人身份辨認的資訊安全系統‧
伊設計的原理是因為咱人體內靜脈的血紅素屬於欠缺氧氣的狀態，缺氧血紅素透過近紅外線照射後，會吸收光源顯示出影像，閣利用非侵入式的hip-相技術，提到體內靜脈的血筋圖譜‧
血筋圖譜佮現此時使用的電子卡片、指紋、面型、目睭的虹膜等身體外的辨認技術完全無相共；以目前的生物科技技術，猶無法度去另外製造出相共血筋的影像，就是無法度做假‧
所以，將靜脈的血筋圖譜轉入去資訊安全管理系統中心，閣用文字格式儲存起來，就是目前安全度上懸的辨識技術啦！伊的價數大約由新台幣11000~200000箍，比起目睭的虹膜辨認系統，需要30萬箍，算是俗閣好用啦！
佇日本已經有近8成的ATM採用個人指靜脈活體辨認系統佮密碼同齊符合才會當過關喔！欲去美國的簽證佮進入美國海關時，嘛是攏使用指靜脈活體辨認系統囉！