jimmycmlin的部落格

新聞辭典~~~~~DRGs~~~~~遊子 2009.08.01.
媒體報導：自今年9月1日開始健保支付制度採用DRGs‧什麼叫做DRGs?
DRGs(Diagnosis Related Groups)華語叫做診斷關連群的健保支付制度，主要是依據蹛院病患的病症診斷、手術的種類、併發症佮合併症、查埔查某、出院的狀況佮年歲的歸類分組，目前健保局將DRGs總共分做24大類，詳細有967項的分項病症‧
每一項分類的病症攏會訂出一個”包裹”定額的支付金額，每一項支付金額又閣分做：上少支付、定額支付、上懸支付等3種標準支付金額，如果病院申報的無達到上少支付標準時，健保局是採取實報實銷來支付；抑是超過上懸支付標準時，健保局是採取對超過的部份拍8折來支付；如果病院申報的是佇上少佮上懸的範圍內，健保局是採取定額支付‧簡單講就是用包的啦！
目前全世界已經有美國、加拿大、澳洲佮德國等國家實施DRGs囉！
DRGs實施後對民眾的優點佮缺點：
優點：毋免加蹛院、減少無必要的用藥佮檢查、較簡單的手術踮門診就會使處理完成、減少院內感染的風險等等‧
缺點：病人可能會受到病院要求自費的機會增加、較複雜歹治療的病症可能有
病院無欲收、蹛院時病情猶未完成好就予病院趕出院等等‧
萬一DRGs實施後，民眾拄到前仔講到的問題時，會使拍健保局申訴專線電話：0800030598，有專員幫忙處理解決‧