jimmycmlin的部落格

新聞辭典~~~~~菜市仔名~~~~~遊子 2009.08.10.
每擺放榜時幾仔萬人的名登入榜單，定定看到共名的人真正濟，準做是共名共姓嘛是無共人啦！會予老父老母號佮別人共名，表示這個名好叫、好聽、合八字、合筆劃數，將來會較好搖飼、較好命‧因為真濟人採用號名，才會予一般人叫做菜市仔名啦！
今年2009佇大學榜單上的菜市仔名，排頭前5名如下：
查埔的排名佮人數：
(1).家豪:113.
(2).冠宇:112.
(3).宗翰:100.
(4).承翰 / 柏翰:各90.
(5).彥廷:89.
查某的排名佮人數：
(1).雅婷:180.
(2).怡君:132.
(3).雅涵:121.
(4).郁婷:101.
(5).怡婷:85.
佇榜單上佮名人影星共名的人嘛袂少，另外，亦有配合較罕有的姓所號的名，唸出來嘛真趣味‧親像：許多、成立、成果、程式、儲存為、吳明、陳雷、林木、劉高、鄭好、羅力等等。
後來連搏儌的組仔頭亦開賭盤予人簽喔！毋過，雅婷是連續8年排上頭名啦！