台語文~~~~~笑科集﹝輯﹞-4~~~~~遊子
(25).“阿伯，你年近古稀，少年時的願望有實現過無？”
老阿伯想想著講：“自細漢的時，阮阿爸定定罵我，扭我的頭鬃‧迄當陣
我就真希望無頭鬃上好‧即馬，這個願望算是實現啦！“
(26).一對翁仔﹝女每﹞佇度假的時陣，喙齒疼隨去尋齒科醫生‧
迄個太太講：醫生啊！阮喙齒真疼﹝要卜﹞挽喙齒，不過，毋免注痲射，
因為挽好喙齒，阮隨﹝要卜﹞趕時間‧“
齒科醫生非常欽佩講：妳這呢阿勇敢，緊來看是叨一齒？“
迄個太太轉身喝﹝人因﹞翁講：“老的啊！趕緊來互醫生看，看到底是﹝要卜﹞
挽叨一齒？“
(27).市公所的大門歹去，需要請人來修理‧總務的叫3位師父先來估價‧
台中的王先生看看算算講：連工帶料800箍，另外利純100箍，總共900箍‧
宜蘭的李先生嘛看看算算講：工帶料700箍，另外利純100箍，共仔800箍就好‧
臺北的吳先生免看嘛免算就隨講：這簡單啦！算1800箍就會做哩‧
總務的著驚一下講：你攏無算，安怎知影愛若濟錢？
“就真簡單！” 臺北的吳先生續落去講：
“你500，我500，才請宜蘭的李先生來做就會用哩啊！”
(28).阿城將行事計畫書寫好，囥佇頭家的桌頂，雄雄狂狂走出去‧
頭家甲伊的報告巡一眼就﹝扌旦﹞掉；突然間，阿城又走倒轉來講：
“有一所在毋對，愛稍改著‧”
頭家手指字紙籠，阿城尋出伊的報告，改了後共款﹝扌穴﹞落字紙仔籠底‧
(29).一位人客拍電話互旅館的服務抬，交待服務生佇隔日透早5點半將伊叫醒
(morning call)‧“多謝喔！”伊補充講：你是毋是會當每9分鐘叫一擺，愛加叫2
擺！因為我慣勢連續﹝耳真﹞3擺鐘仔才有法度起來‧“
(30).拍賣廣告(1)：
“21本全新的百科全書，清氣噹噹，親像新的共款，大俗賣，因為阮某逐項﹝言別﹞
，阮茨已經無需要這套冊囉！“
(31).網路拍賣廣告(2)：
“本人﹝要卜﹞畢業啦！9分新的教科書和參考冊，俗俗仔賣‧”
有人佇網路頂講：“是毋是9分新，請附成績單證明就知影！”
(32).暗時，老張的手提一袋10箍的銀角仔，共仔有435個‧轉去到茨門口，
暗濛濛，踢到戶定跋一倒，銀角仔散甲歸土跤，伊想講赫呢暗啦，明仔透早才來
﹝扌去﹞‧隔工天拄仔光，伊的牽手就來將伊搖醒講：
“你臆我佇咱兜門口﹝扌去﹞到什麼？”
“435個10箍的銀角仔啦！”伊應哩講‧
“毋是啦！”伊的牽手大聲講：“是290罐的鮮羊仔奶啦！”
全站熱搜
留言列表
