報紙報導：專家的研究結果和一般人的感覺共款，烏毛豬的肉確實比白毛豬
卡讚，毋管是肉質的甘味、咬感、油脂的飽和度等等，攏卡贏一層，卡好食
‧ 有名的台灣土豬就是正港的烏毛豬‧
台灣本土豬的桃園豬，原本是龍潭陂種抑是叫做中壢種，自1910年起攏改叫
做桃園豬，就是一般人叫的台灣烏豬‧1987年開始，桃園豬正式變成國家級
的保種豬族群，桃園豬的體型算是中等，皮膚是鳥鼠仔白，尻脊爿的毛真正烏
又佮粗，尻脊稍可仔凹落去，腹肚大大佮下垂‧跤肢粗短勇健，前肢企直直
，後肢的下節稍可仔向前傾立；跤蹄大佮堅實而且分蹄真明顯‧
畜產試驗所講：上早桃園豬的來源有可能佇1877~1887年中間，由中國的廣
東豬種引入來台灣養殖生湠，一直到即馬‧
桃園豬的肉生長卡慢，經濟效益比起來卡差，所以，飼養桃園豬的養豬戶愈來
愈減少，互台灣本土上資深的桃園豬強﹝要卜﹞斷種去；為了避免行上滅絕的
路，農委會畜產試驗所進行桃園種豬的分散保種計畫，佇高雄、台東和花蓮等
攏有安排種畜繁殖生湠的養殖場，總共有：豬哥90隻和豬母74隻‧希望會當
降低桃園豬斷種的風險‧
全站熱搜
留言列表
