jimmycmlin的部落格

台語文~~~~~網路串聯的戲法~~~~~遊子
這是最近網路頂真熱門的“網路串聯的戲法”，既然互人點到，就來參加戲看‧
主題是“我的5項怪癖”，無要緊，真久無家己﹝扌突﹞臭啊！不過，寫完我嘛
會尋5位朋友來參加喔！互我點到的才請捧場著‧
(1).我無愛食草仔粿﹝像：艾草、雞屎藤、月桃葉等等﹞，驚草仔粿的臭青味‧
嘛無愛食臭豆腐，感覺上伊的做法是無衛生的‧
(2).準時‧毋管大細項代誌攏一定要求家己愛準時完成做到，所以，和我做伙的人
，毋管是頂司和下司抑是平輩的，做伙久攏會配合‧
(3).重內無重外‧平常時就是重食無重穿，食是入來咱的腹肚，對咱的身體有幫助
，穿是互人看互人比評的，其實咱家己感覺舒適就好，嫷﹝禾黑﹞是別人的感覺
啦！茨內的裝潢設備，做人做事等等嘛是共款的想法‧只要是認真做，毋是好面
前企，毋是做互人看，因為人佇做天佇看啊！
(4).一條腸子透尻川‧凡事就事論事，有話直講，所以，佇眾人開會的時，卡會得
失到部份的人‧不過，嘛是安呢才會路見不平，見義勇為，大部份攏是企在卡弱勢
這爿‧雖然牽手定定勸我稍可仔改著，嘛猶原共款，一路行來並無反悔‧
(5).緊張就走便所，漏漏著就無代誌‧自會記得代誌開始，小學運動會走相﹝辶足﹞
，明明輪﹝要卜﹞到啦，嘛先走去便所漏漏著，才緊倒轉來排隊，槍聲一﹝耳真﹞
，我嘛是走第一等；後來初中、高中和大學嘛攏共款，愈重要的考試漏愈厲害，不
過，考試前會漏幾擺無一定，總是上尾擺漏完就攏無代誌啦！好像毋像，這種體質
嘛有遺傳互序細，無法度啦！
我來點5位朋友來湊一跤，請無氣嫌喔！
(1).amanda46915
(2).angeluu
(3).linagnew
(4).twkid
(5).yamaj