台語文~~~~~自由的可貴~~~~~遊子
為著配合衛生局和公會的活動行程，最近幾仔場“藥物濫用防制與愛滋”的演講，攏是在桃園監獄內，
包括少年觀護所‧每次欲入到演講的所在，拄仔起頭猶有稍可仔驚驚，因為上少要經過7~10到關卡，
鐵門鎖著以外，每個關卡攏有警衛人員看守，嘛兼有監視攝影機和對講機，任何人毋管是欲入去亦是欲
出來，實在攏無簡單‧所以，長期關在內底的人，想欲呼吸著外頭自由的空氣，有影正經是比登天復卡
困難啊！內底所關的犯人，半數以上是和毒品有關係，所以，嚮望過去行毋對路的更生者，有1工，踏
出監獄大門以後，抑準會當堅定來改頭換面，決心來離開毒品，自然會當恢復正常的生活，繼續讀冊、
完成學業，重新揣頭路、做事業，重新建立美滿的家庭，隨時會當呼吸到自由的空氣；絕對毋通一錯再
錯，變成1個拾角的人，這才是正確的人生啊！
全站熱搜
留言列表
