台語文~~~~~笑科集﹝輯﹞-5~~~~~遊子
(33).班上的一個學生阿哲，伊的老爸是共學校的歷史先生‧
“上恁阿爸的課，有什麼無共款？”同學問阿哲‧
“差不多啦！自細漢就歸工聽伊發表理論，只是以前毋免寫筆記爾爾！”
(34).透早真濟人排隊﹝要卜﹞買拄出爐芳絳絳的逐種麵包，逐家攏佇趕時間‧
不過，排上頭前的歐媽桑慢慢仔﹝走坐﹞佮問頭家幾個仔問題‧
“迄種一塊若濟錢？”伊指一種麵包問‧
“一個18箍啦！”頭家親切回應‧
“是軟的抑是硬的？”伊搁問‧“中等的，真好食喔！”
“會當包肉鬆抑是火腿片麼？”
“會啦！”頭家稍可仔擋﹝勿會﹞﹝止周﹞‧
“抑準我買2塊轉去，會當包臘腸喔？”
“這位太太‧” 頭家大聲應講“只要妳將恁兜的窗仔門布放落來，妳﹝要卜﹞
包什麼攏無問題啦！“
(35).古早政府推行節育的家庭計畫，衛生所的家庭計畫姑娘就對學校的老師講：
“照工作的精神和意境來講，阮這行業的程度比恁卡懸喔！”
“是安怎講？”
“恁教學生囝仔愛拍拼，一分耕耘，就有一分收成‧阮教翁仔某，干擔拍拼耕耘
付出就好，毋免收成才算是成功啊！“
(36).一位真出名的算命仙仔，佇伊的門口掛一塊“未卜先知”的看板‧
一工，一個人看到看板去﹝扌弄﹞門，聽到內面的算命仙仔大聲喝講：“什麼人
啊？”迄個人聽到真失望，斡頭恬恬仔離開‧
(37).耳鼻喉科醫生徹底檢查阿輝的聽力了後，發現伊的聽力比一般人搁卡靈，
就真好奇問伊安怎來檢查聽力？
“唉！” 阿輝仔歹勢細聲講“攏嘛是阮牽手啦！伊一直講，我從來就攏聽無伊講
的話啊！“
(38).清明迄工，親族逐家同齊去阿媽的墓仔壓紙‧草仔發甲真正旺，比人搁卡懸，
﹝尾子﹞叔仔割草時無小心，跋倒受傷，好佳哉無什要緊‧無若久，點香拜拜的
時，干單聽到﹝尾子﹞叔仔講：“阿母，阮知影妳的墓仔愛提早整理，毋過，妳
甘﹝勿會﹞當換別種方式通知我？“
(39).實習生對會計師講“：這個數目我已經算過10擺啦！”
“真好，細膩無蝕本，加算幾擺總是有卡好‧”
“我嘛是安呢想，毋過，10擺算來的結果攏無共款！”
(40).一陣學生去一位作家的茨訪問，看到伊茨內滿四界攏是冊，胡亂囥胡亂﹝扌蛋﹞
，就問伊安怎無愛將冊排互齊囥互好？
“恁愛知影‧”作家講“向人借冊架仔是真艱苦的代誌啊！”
留言列表
