jimmycmlin的部落格

台語詞句的本意(1)~~~~~正港~~~~~遊子
咱台語講正港，表示物件抑是事項是真正的，無騙人的，是會當互人信任的‧
伊的來源是佇19世紀中，英國、法國聯軍拍敗清朝的軍隊，訂立天津條約，要求開放
台灣的滬尾港(即馬的淡水)和安平港做自由通商港口，後來認為無夠用，佮再爭取到
雞籠港(即馬的基隆)和打狗港(即馬的高雄)做輔助港‧一般正式重要和大宗的進出口貨
物，大部份攏由滬尾港和安平港出入，所以，由這2個港口出入物件的重要性的關係，
這2個港口就互人叫做正港‧其他雞籠港和打狗港是輔助爾爾，就無算正港啦！
台語詞句的本意(2)~~~~~牽手~~~~~
外國查埔人叫相愛的另外一半號做太太、Daring，華人叫妻子、愛人、內人，日本人叫
家內、Tsuma；咱台灣人叫牽手、牽仔‧其實這是古早住佇台灣的平埔族的傳統‧
平埔族的傳統是母系社會，查某囡仔大漢時，﹝勿會﹞當自由戀愛，平時嘛攏佇茨內卡
濟；迄當時來台灣討食的有3禁：愛獨身的查埔人、有家庭的禁止帶某囝同齊來、禁止
廣東人來，因為海賊內底廣東人卡濟‧所以，自早就講有唐山公無唐山媽；唐山來的羅
漢跤仔﹝要卜﹞娶某是真困難；毋管是平埔族抑是唐山來的查埔囡仔，上好攏愛學會曉
一種樂器，佇特別的日子，﹝要卜﹞暗仔的時，企在伊心愛的查某囡仔的茨外，表演樂
器，抑準查某囡仔的序大人看無甲意，天烏了後，迄個查埔囡仔鼻仔摸著恬恬仔離開；
抑準互查某囡仔的序大人看甲意到，就請伊入去奉茶，過一段時間後，查埔囡仔愛請人
來提親，双爿講成後，2位少年人愛手牽手，徙歸莊頭社內，親像向逐家講：阮2人就
即馬起，手牽手過日子，相愛、相助、相信，一直到久久長長‧當時的漢人猶受到儒家
思想的束縛，所謂的：非禮勿視、非禮勿聽、非禮勿言‧男女授受不親‧看到2人手牽
手感覺真驚惶‧其實這是平埔族真正好的傳統，漸漸漢人嘛攏接受這的好傳統，所以，
牽手這詞就一直留到即馬囉！