jimmycmlin的部落格

台語文~~~~~人性佮人生的價值~~~~~遊子
人性(Human nature)是什麼？人的本性就是﹝要卜﹞追求而且﹝要卜﹞實現價值的意義‧
價值的本質是愛普遍性、永久性、無限性的‧所以，佇咱的人生有2大苦：得未到的苦
和得到的苦‧逐家可能想講“得未到的苦”是感覺會對啦！不過，“得到的苦”就想
﹝勿會﹞曉囉！為怎樣得到抑是苦？因為得到了後，咱續落去就煩惱會失去啊！得到的
就想空想縫安怎留著永遠，安呢無苦甘會用哩？安怎會當脫苦離苦？心內愛捨！有捨才
會當得；佛教講的：捨得，捨得‧無捨無得，難捨難得，大捨大得‧就是啦！
人生的價值又佮是什麼？一般人拼命追求的是工具性的價值(Instrument value)，其實咱
上續尾仔愛追求的是終極性的價值(Terminal value)‧
工具性的價值到底是什麼？
這就是名聲、財富、權力、地位、知識、被愛、美麗和健康‧咱自細漢開始就互爸母壓著
，愛拍拼讀冊，會當讀愈懸愈好，抑無就去學功夫，因為360行，行行出狀元‧以前，這
攏是茨內對查埔囝仔的響望，古早是重男輕女的傳統，抑準查某囝仔表現比查埔囝仔卡好
，序大人會講：豬毋肥，肥佇狗去‧無要緊，即馬佇台灣已經男女平等囉，勞心勞力的工
課，無分查埔查某只要有才調，攏會當做‧毋管查埔查某，赫呢阿拍拼，嘛是為著追求工
具性的價值‧
一般人攏嘛想看會當緊賺大錢，賺錢無人嫌傷濟的啦！不過，君子愛財愛取之有道才會安
心喔！俗語講：流汗錢才留會久‧名聲嘛人人愛，有人是先發財才去求名，有人是先拼出
名聲才求財，所以，有人拼出留芳百世，有人是拼出遺臭萬年‧10年苦讀無人問，一舉
成名天下知啊！有名抑是有財，權力綴著來，地位隨提懸，眾人攏欣羨‧雖然有人講：賺
錢是愛讀一寡仔冊，不過，讀卡濟冊無一定賺卡濟錢‧但是，到即馬逐家嘛是拼命讀，
所以，大學生塞倒街，考研究所的人嘛愈來愈濟‧佇人生的任何階段，攏希望有人愛咱，
由親情、友情到愛情‧查某囝仔愛嫷，尤其古早是女子無才便是德的時代，愛靠外表的美
麗，來爭取到和查埔囝仔想﹝要卜﹞得到的目的；即馬雖然男女平等囉，但是咱看一寡仔
美麗的主播抑是所謂的名模，攏想﹝要卜﹞嫁入有錢人的豪門内，一入去了後，真濟人才
喝慘啦！真正是豪門深似海，入去了後就身不由己囉！真濟攏是無好尾啦！俗語嘛有講：
錢銀幾千萬，毋達子婿出人前‧
尚尾是健康，華語內底有講：留得青山在，不怕沒柴燒‧教會嘛講：人抑是得到全世界，
但是賠上家己的性命，甘有什麼意義？所以，少年人攏用家己的健康和性命，去換其他
的目標，什時陣才會覺醒著健康的重要？失去健康的時陣啦！這親像咱的寄金簿仔共款，
逐人攏想若久會當增加1個”0”？不過，毋管咱有幾個”0”，抑準上倒爿無”1”的時，
卡濟個”0”攏嘛無意義啦！對毋對？所以，上續尾的健康就是代表”1”，其他幾項攏是
”0”啦！終極性的價值又佮是什麼？
這就是自尊(Selh-esteem)和愛(Love)‧自尊是人格的核心‧愛有自我的概念，自我的
價值感和自我的信心‧他尊是別人互咱的，是虛的，無實在的，是假的，抑是將他尊當做
自尊，人生會非常艱苦‧愛有自尊就愛自立自強，家己無法度企起來，別人﹝要卜﹞安怎
來幫助你，所以講：天助自助者‧
愛是關懷(Care)、責任(Debt)、尊重(Respect)、瞭解(Understand)‧自咱出世就開
始接受到親情，漸漸大漢就有友情，緣份哪到，抑是有緣佮有份，就是愛情啦！毋管是
廣義的愛抑是狹義的愛，用一句話會當真清楚來解說：愛，是一個人的價值在他人身上
的表現‧這句實在是一針見血，將眉角講著真清楚啦！所以，我對新結婚的親朋好友的
祝福攏是：互愛、互信、互諒、互重、互助一直到永遠‧逐家抑是會當瞭解而且確實做到
，就是家庭美滿，社會安定，國家興旺的時陣囉！