jimmycmlin的部落格

新聞辭典~~~~~數獨(Su Doku)~~~~~遊子
最近全球性真熱門的臆數字謎猜的娛樂運動~~數獨(Su Doku)，其實佇18世紀的時就有
啦，迄當時瑞士的數學家將伊叫做“拉丁方塊”(Latin square)；佇1970年代，美國的
益智雜誌將伊叫做“數字的所在”(Number place)；到本世紀由日本開始燒湠，伊的發
音~~數獨(Su Doku)，是漢字的日語音，意思是講：干單出現一擺爾爾的數字戲法‧這
個日語音才變成世界共同的叫法‧
數獨親像病毒的四散流行共款，自2004年底由日本燒湠到英國，“談毋是”報(Times)
﹝華語翻譯做泰晤士報﹞的數獨專欄上搶先摃響大鑼，而且拍破銷售的紀錄，互原先抵制
數獨，無將伊刊出的其他報紙，嘛感緊來學“談毋是”報登出囉‧即馬，除了“金融時報”
以外，英國所有的報紙攏有數獨的單元，報紙的銷路嘛因為數獨的刺激，成長非常濟‧
報業的大戰就安呢開始囉！
綴著日本和英國大流行了後，這幾個月來，數獨已經佇世界5大洲燒湠流行，除了報紙和
雜誌有刊載以外，數獨的題庫嘛漸漸出現啦！嘛真緊就進入前幾名的暢銷榜喔！數獨嘛
出現佇電視台的黃金時段內，老師嘛將數獨列入去教材內面；世界各國的大學抑是高中
嘛開始舉辦數獨的程式設計比賽、數獨的棋盤比賽、數獨的解題比賽等等，親像80年代
痟魔術方塊的熱潮共款‧
雖然有人講戲數獨對老人癡呆的阿茲海默症頭有預防的作用，不過，醫學界嘛有發現負
作用。就是數獨的強迫症，嘛會當講是“數獨痟”‧因為無法度解出數獨的謎，造成睏
﹝勿會﹞去、無心情上班讀冊做代誌等等，搁卡嚴重的是想﹝勿會﹞開，無信心想
﹝要卜﹞自殺耶！所以，對數獨有趣味是﹝勿會﹞﹝禾黑﹞，不過，毋通傷過迷入去，
才﹝勿會﹞變成“數獨痟”，毋好影響到日常生活才是卡健康的戲法‧
數獨的規則：
四正的表先畫出9個大格，每一大格佮畫出9個細格仔，所以，直的和橫的每爿攏是有9
行列；用1~9的數字填入去每一行、每一列和每一個細格仔內，但是，佇每一行、每一列
和每一個細格仔內，攏干單會當出現一擺爾爾喔‧困難度嘛分做幾仔級，互人由簡單的
戲起，漸漸就愈戲愈深愈困難‧真愛用腦筋，嘛真趣味！