jimmycmlin的部落格

新聞辭典~~~~~引水人~~~~~遊子
報紙寫著引水人的月給會當達到百萬喔！是毋是互人真欣羨？
安呢，佇360行內底，引水人到底是什麼行業？做什麼工課？愛有什麼專長？
毋管是商船、貨輪、貨櫃輪抑是郵輪，攏是船長上大，但是佇進出任何港口時
，就換引水人上大啦！船長只有恬恬聽話的份‧
引水人的資格規定真嚴，上頭先愛做過船長，而且愛有3年以上的國際商船經
驗，愛通曉逐種船的性能，特定港口的水文、海象的變化，另外嘛愛體力好，
當班的時是無分日時暗時，嘛無分好天落雨抑是風颱天，接到港務局來的電話
，就隨愛坐小艇出海，﹝足百﹞索仔梯，﹝扌亥﹞著﹝扌亥﹞著﹝足百﹞到大
隻船仔頂，cua船隻進出特定的港口，工作生活充滿著危險和刺激‧
引水人的外語能力愛好，先經過考選部的考試通過，錄取了後，才佮接受見習
3個月，嘛又搁合格了後，才會當提到引水人的資格，而且，干擔限佇通過考試
的定港口執業爾爾‧
引水人的月給算是真懸，船隻濟的時，一個月50、60萬箍無算什麼，佇高雄港
的引水人，一個月有人領過百萬的喔！平均來講一個月20萬箍一定有啦！以中
油一位退休姓蔡的引水人來講，月給加上綁泊船隻的津貼，佇退休前的上尾個月
，總仔共有37萬外箍的收入‧
引水人的行業實在講是真稀罕的，所以，互人叫做“海上代客綁泊船隻專家”‧
全台灣民間合格的引水人差不多是80人爾爾，軍方的合格引水人搁卡少，干擔
10人爾，比海軍現役的中將搁卡少‧