jimmycmlin的部落格

新聞辭典~~~~~聽障奧運~~~~~遊子 2009.09.05.
今年7月佇咱的海洋都市高雄，辦理1場非常成攻完滿順序的世界運動會，
予台灣行出去，予全世界攏看到台灣的好！台灣的讚！今仔日，換佇台北
市舉辦聽障奧運的開幕典禮，閣1擺予台灣行出去，希望共款會當予全世
界攏看到台灣的好！台灣的讚！什麼是聽障奧運？
聽障奧運是聽障奧林匹克運動會(Deaflympics)的簡稱，上起頭創立佇
1924年，屬於奧林匹克運動會(Olympics)5大比賽的1種，今年第21屆
佇台北市舉辦，毋哪是咱台灣的第1擺，亦是全亞洲的第1擺‧
比賽的項目共有15種個人項目：田徑、羽毛球、沙灘排球、柔道、腳踏
車、跆拳、泅水、乒乓、網仔球、相偃(自由式佮希臘羅馬式)、射擊、
保齡球、空手道等；5種團體項目：籃球、跤球、手球、水球、室內排球
等‧
佮一般運動會上大的無共是，聽障的運動員攏是聽障的選手，伊的聽力
損失愛達到55分貝以上，佇比賽中愛將助聽器亦是人工電子耳仔接收器
拔落來，逐家攏佇完全無聲悿靜的環境來公平比懸低‧
今年咱台灣是地主，咱台灣代表隊陣容較大，除了跤球、相偃、水球無
組隊參加以外，其他比賽的項目共有202位選手，咱台灣佇頂擺提到9金
4銀3銅，希望今年的獎牌數會閣較進步增加啦！