jimmycmlin的部落格

用藥保健~~~~~筋肉無力症~~~~~遊子
筋肉無力症是1種引起全身筋肉無力的基因遺傳性病症，屬於罕見病症，幾仔萬人才會
拄到1個，雖然講是遺傳性病症，不過，並毋是即代得到，後1代嘛得確會得到，無一
定啦！因為每1個人受到影響的筋肉所在無一定共款，在臨床症頭嘛無一定相常，每1
個人發病的年歲時陣嘛無一定共款‧
一般咱講嬰仔的成長過程是：5~6會翻身、7坐、8爬、9發牙，10~11學企，到度晬時
差不多會曉行囉！所以，咱要細膩注意囡仔的成長過程是毋是有正常，大漢了後，進
入去幼稚園、小學時，囡仔的體能運動情形，和共班的學生囡仔有精差無？在每1個坎
站，抑準感覺和共期的囡仔差真濟，就要趕緊帶去予醫生診斷，做進一步的檢查評估，
有時陣猷需要做筋肉切片和基因檢查‧
雖然，醫學發達一直進步，不過，目前干哪會使做支持性治療，配合復健治療，來防止
關節痙攣收縮，減輕病症的惡化‧在全世界的醫療界，嘛繼續投入真濟研究，嚮望未來
有復卡進步、復卡好的治療方法，來造福筋肉無力症的患者‧