用藥保健~~~~~男性更年期~~~~~遊子
雖然，孔子公講：30而立，40而不惑，50而知天命，60而耳順，70而隨心所欲‧咱俗語
嘛有講：上40就袂揑‧年歲踏入40就算是中年階段，古早活到40歲已經是中年的後半截
，即馬，才算是中年的起頭爾爾，不過，40有影是1個大坎站‧事業、財務、經濟可能攏
順序免煩惱，在房間內翁仔某做伙時才感覺無夠力，定定是力不從心，予查埔人的自尊和
自信心受傷害，漸漸對翁仔某的房事會驚惶、無信心，這就是男性更年期的現象囉！
查某人有月經期，所以進入更年期的症頭卡明顯，查埔人的更年期就無什麼特別症頭，真
濟查埔人毋知影家自早就已經進入更年期啦！毋管查埔查某，體內賀爾蒙的分泌減少，身
體發出和平常時無共的信號，提醒主人講更年期欲到啦！在查某人來講：月經量減少、經
期亂去無規則，上尾仔停經，就是明顯的信號‧
對查埔人來講：男性賀爾蒙的分泌減少，主要是睪丸酮(Testostrone)，因為分泌睪丸酮
上旺時陣是在15~30歲時，以後每年減少1%~2%，所以，踏入40歲時，就差卡濟，開始有
退化亦是老化的現象出現啦！抑是睪丸酮的濃度傷低，先以食補來補充，食物方面親像有
帶殼的海鮮類攏有幫助，不過，高尿酸症、痛風、血濁、血油懸的人是袂當食傷濟，有過
敏體質的人復卡是毋通食；抑是食補無效，就需要用藥仔來治療，目前有用食的、注射的
和貼藥片的方式等等，一定要先去病院予泌尿科醫生診斷才選定用藥仔的方式‧
下仔是予查埔人自我檢查評估是毋是進入更年期的問題，逐個有歲的朋友攏會使來參考看
：(ADAM Questionnaire)
(1).最近是毋是有性慾亦是性衝動減少的現象？
(2).最近是毋是感覺卡無元氣、無活力？
(3).最近是毋是感覺有體力變差、耐力下降的現象？
(4).最近是毋是感覺身懸變矮，身軀倒勼？
(5).最近是毋是感覺日常生活無什麼趣味？
(6).最近是毋是對事誌感覺悲觀、鬱卒？
(7).最近是毋是感覺翹起來的功能退步？(無夠硬、擋無久等)
(8).最近是毋是感覺普通時的運動能力變差？(爬山、走運動場、行公園等)
(9).最近是毋是食飽暗就想欲睏？(人真悿)
(10).最近是毋是感覺工作效率卡差，在工作上表現無好，袂順序？
第1亦是第7條選答”是”；亦是其他8條內有任何3條選答”是”，就有可能需要進一步予泌
尿科醫生診斷，做檢查來確認是毋是屬睪丸酮低下症的程度，抑準是，就是進入更年期啦！
留言列表
