jimmycmlin的部落格

莊子講(44)~~~聖人的勇氣~~~遊子
孔子周遊列國來到匡的所在，匡的人看到孔子，認毋對人啦！叫是講孔子是惡人陽虎，
歸陣人將伊圍起來，場面看著會予人驚惶‧
孔子共款保持平靜，開喙講：逐家毋免驚，繼續來聽我講道‧
邊仔的學生就問講：先生，場面赫尼阿恐怖、予人感覺驚惶；是按怎你攏毋驚？
孔子應講：是啦！我慢慢仔來講予恁瞭解‧咱看掠魚的人，潛入水底看到蛟龍攏無佇驚
，這就是漁人的勇氣‧去深山拍獵的人，看到猛虎不但毋驚，顛倒真歡喜，這就是拍獵
人的勇氣‧亦是佇戰場，毋驚大刀利劍，是烈士的勇氣‧知影命運有窮通的時陣，拄到
大難而無恐懼，心內無驚惶，這是聖人的勇氣啦‧
過無若久，有1個帶頭的武士入來向孔子會失禮講：真失禮！真歹勢！阮遮的人誤會你
是陽虎，是阮的毋對，對你無禮的所在，請你寬諒‧
所以講：咱人的運有時會窮，拄到窮通的時陣，愛以智慧來觀察，心內無驚惶，靜以待
變就是啦！