jimmycmlin的部落格

莊子講(43)~~~風佮蛇~~~遊子
躠是天生1隻跤的獸類，蚿是和蜈蚣共類有百足蟲的稱呼‧有1工，躠和蚿佇路仔相拄到‧
躠開喙講：我用1隻跤行路，真正方便；像你愛用赫尼濟隻跤行路，甘﹝勿會﹞感覺真無方便？
蚿應講：我嘛攏順著自然的安排，每工行路真順序，一點仔嘛﹝勿會﹞麻煩，嘛攏毋免煩惱啊！
後來，蚿佇路仔拄到蛇，就講：唉啊！我用赫尼阿濟隻跤行路，顛倒卡輸你毋免用跤行路，這是
按怎講啊？
蛇笑笑仔應講：我是順著自然的天機來運動、徙位，根本無需要什麼跤啦！
即時陣，1陣風由in的頂面走過去‧in驚一下，大聲講：風連身軀的形體攏無，不過，來去自由
自在，才是真正厲害啊！
風聽到講：啊！這無算什麼啦！我雖然走著真緊，不過，目睭比我搁卡厲害喔！目睭撥金，看到
叨位就是已經到叨位啦！其實，心搁卡厲害啊！心想到叨位，連目睭嘛綴﹝勿會﹞著‧上天落海
，陰陽世界攏想會到‧不過，我佇生氣時，會當扭起大叢樹仔，創倒大細間茨，這就是我啦！
所以講：天生吾材必有用，1支草1點露，天無絕人之路‧自然的安排，自有伊的用途，並無大、
細、濟、少、懸低、的分別‧