用藥保漸~~~~~唐氏症(Down’s syndrom)~~~~~遊子
媒體報導：9歲模範生的唐氏症囡仔予單親老父來遺棄放sat，引起社會的關懷‧什麼
是唐氏症？其實唐氏症算是特定3種先天遺傳性罕見病症之一，出現有3個染色體症‧
(1).唐氏症(Down’s syndrom)：是在第23對的染色體出現有3個，比正常人加1個
染色體；臨床上的外觀特徵包括：頭短畸型、面部輪廓平板、內皮、小耳、小鼻、小
喙和喙舌向外突出、筋肉無力、智能不足、出現斷掌和先天性心臟病，嘛卡會伴隨急
性白血病、神經反射過度、骨盆發育不良等等。
治療方式：拄仔出生的嬰仔，有先天缺損者.，會使採用外科手術來矯正，智能不足者
，採取特殊智能教育佮家屬終生細膩小心來照顧。
(2).巴陶氏症(Batau’s syndrom)：是在第13對的染色體出現有3個，比正常人加
1個染色體；臨床上的外觀特徵包括：兔唇與顎裂一般是（雙爿性）。耳仔畸型、小眼
症、目睭缺陷、多指症、闊範圍的內臟缺陷正心症、及心室中膈缺損、小頭
畸型、智能不足。嚴重的是早死。
治療方式：拄仔出生的嬰仔，有先天性缺損者，會使採用外科手術矯正，智能不足者
，採特殊智能教育佮家屬終生細膩小心來照顧。
(3).愛德華氏症(Edward’s syndrom)：是在第18對的染色體出現有3個，比正常
人加1個染色體；臨床上的外觀特徵包括：智能不足、生長遲滯、早死、耳仔生在較
低的所在又小畸型、後腦突出、2蕊目睭中間的距離增大、手指頭彎曲、及心臟、腎
臟、腸道缺陷等等‧
治療方式：拄仔出生的嬰仔，有先天性缺損者，攏會使者採用外科手術矯正。
為人父母者，每家每人隴攏歡喜來迎接新性命的來臨，加人加福氣，不過，對唐氏症
囡仔的家庭來講，是用悲傷、無奈和目屎來接受新性命的來臨，以後的日子是目睭含
著目屎來承受；面對無情的打擊，為人父母者毋知欲按怎來行過未來的人生路，雖然
有宗教家講：唐氏症囡仔是菩薩的化身，來予為人父母者修行、修性‧有需要外界援
助時，就勇敢行出來走揣援助，國內在80年成立『中華民國唐氏症關愛者協會』，87
年成立『財團法人中華民國唐氏基金會』，伊的網址是：
http://page.babydj.com/R011/index.htm
已經予咱台灣的”唐寶寶”和in的家庭，建構一個充滿著希望和無限可能的未來。
目前的醫學科技會使透過羊膜穿刺技術，在產前篩選出是毋是有出現遺傳性罕見染色
體病症，減少無正常的囡仔來出世受苦，尤其高年齡的產婦復卡毋通失注意啊！在咱
台灣目前每800個拄仔出生的嬰仔，就猶出現1個唐寶寶喔！
留言列表
