jimmycmlin的部落格

用藥保健~~~~~諾羅病毒~~~~~遊子 2008.04.02.
清明時節雨紛紛，最近落雨又閣濕冷的天氣，予真濟人感冒、漏屎，嘛有人是規家伙仔
大大戲細輪流感冒、漏屎，這上有可能是諾羅病毒(Norovirus)佇做怪‧因為依據統計
資料，今年2008到即陣，已經出現31件規陣做伙漏屎的事件，其中證明確實是由諾羅病
毒引起的有19件，達到61.3%懸‧嘛是因為諾羅病毒上會佇春天季節的頭仔活動傳湠‧
一般急性病毒胃腸炎是囡仔時常拄到的併症，病源上倢看到的有：輪狀病毒(Rotavirus)
、腺病毒(Adenovirus)、諾羅病毒(Norovirus)等等‧
輪狀病毒較會出現佇0~3歲的囡仔，大漢囡仔較少看到，主要發生佇2~5月中；諾羅病毒
毋哪出現佇0~3歲的囡仔，連較大漢囡仔亦是大人、老大人攏嘛有可能得到喔！尤其佇寒
熱交替時，親像交秋尾仔佮春天頭仔上雄狂‧伊的傳染力真強，患者的屎便、吐出的物件
、接觸過的飲料食物、日常用品等等，予邊仔人
接觸到就會受傳染到，所以，人濟的所在攏一定愛細膩注意，親像：共厝內生活的人、學
校的學生囡仔、蹛佇安養院的人等等‧
按怎來避免予諾羅病毒傳染到？
(1)倢洗手：出外轉到厝時、食物件前、便所後一定愛洗手‧
(2)青菜果子一定用清水洗清氣‧
(3)共厝內生活的人可能有人受傳染到時，一定愛戴手套來處理受傳染到人的物件，處理
完本身需要用雪文亦是消毒水洗手；厝內的地板愛用消毒水拖塗跤‧
(4)受傳染到人的衫仔褲床巾被單等等，嘛隨時用燒滾水亦是雪文亦是消毒水來清洗處理‧
總是逐家小心無蝕本，厝內人的的健康上要緊啦！