jimmycmlin的部落格

新聞辭典~~~~~城市學~~~~~遊子
城市學是專門佇研究和考察一座城市，由學術、通俗、建築物、精英和一般住民的
種種習慣逐方面的路，去探討政府佮權力的配置運作情形，而且解析無共行業和人
口的結構分佈情形，進一步來解釋經濟活動和資本的異動影響，這攏是城市學真重
要的研討範圍‧
對研究城市學的學者來講，城市就是歷史，因為在城市的歷史上，伊自上早開墾設
寮，漸漸擴展的時間過程，攏壓縮佇目前看會到的城市空間內底，佇這空間內底嘛
藏著真濟社會互動和運作的線索，甚至嘛會當做為互大眾閱讀抑是欣賞的對象喔！
解構主義大師“羅蘭‧巴特”有講過，城市對伊的居民講話，但是逐家干哪是佇城
市內底散步、瀏覽、生活過日子，不過，安呢就是已經佇寫城市的歷史囉！為城市
做記錄見證‧所以，無論是佇世界任何所在，電影中表現出來的城市公園意象、市
內街仔路號名的原則、大細的建築物﹝像台北101摩天大樓﹞、居民佇市內活動的
動線佈設、招牌的設計、抑是親像便利商店，對流行的HelloKitty吸鐵收集的熱烈反
應等等，攏嘛是城市學真正好的研究課題‧