jimmycmlin的部落格

新聞辭典~~~~~月光族~~~~~遊子
最近，佇媒體真熱門討論的名詞~~月光族‧什麼叫做月光族？
月光族就是現代人，尤其是少年人的新趨勢，毋管每個月的月給有若濟，
每個月到月底攏開甲空空空，lak袋仔載磅子，無儉錢無要緊，可能愛借
錢過日子‧所以講月光族就是每個月攏嘛開甲光光光的族群啦！
台灣自1989年的股票指數12000以後，台灣人勤儉的拍拼精神改變啦！
可能政治環境的無安定嘛有關係，逐家變做想bhue食好做輕可‧華語講
的：錢多事少離家近‧變成卡敢享受，借錢買好車、食美食、出國tit
tor‧”3K”的工課無什麼人愛做，才會引入來愈來愈濟的外勞；一寡仔
親中派的集團，又一直鼓吹去中國投資設廠，挖台灣人的錢去投資，將債
務留佇台灣，互國內的失業率顛倒愈來愈懸；預借現金卡和信用卡的流行
，互月光族的人數嘛愈來愈濟‧這有可能像韓國3年前共款，爆發出消費
性金融風暴喔！
俗語講：小富由勤儉，大富由天‧是真正有影啦！毋管即馬理財理論一大
堆，猶原是無變的真理啊！勤就是開源，儉就是節流，日久月長，積少成
濟，甘毋是？