新聞辭典~~~~~21世紀新7宗罪~~~~~遊子 2008.03.11.
天主教廷凡蒂岡，佇伊的官方媒體羅馬觀察報公佈了全球化時代的新7宗罪，
教廷官員瞭解到神職人員需要綴著時代的改變，考慮到佇人性的層面上所現出
的新罪惡，這是全世界進入全球化時代所無法度避免的後果‧
罪惡佇過去的歷史攏予人認為是個人的代誌，毋過，進入全球化了後，罪惡行
為會引起社會團體受真大的影響，會使講是社會共振的現象‧原本佇第6世紀
時，當時的教皇達貴格利因為但丁有名的作品”神曲”當時行，影響到真濟人
的心理佮道德觀念，才來公佈出7項不赦之罪，包括：傲慢、怨妒、暴怒、傷
悲、貪婪、貪食佮色欲；1500年後的現此時，教廷又閣公佈出21世紀新7宗罪
，包括：基因改造行為、進行人體試驗行為、污染環境行為、引起社會不義行
為、造成多數人變成散食、造成無正當的好額佮有錢、吸毒佮賣毒‧
雖然科技發達，一直進步真緊，毋過，真濟行為是充滿著道德爭議性，違反大
自然的規律，所以，犯著這幾項不赦之罪的人，伊往生後的亡魂隨墜落去地獄
啦！以宗教立場來看，第6世紀時公佈出的7項不赦之罪佮現此時的新7宗罪，
攏是勸人為善，加做好代，歹路毋通行啦！
全站熱搜
留言列表
