jimmycmlin的部落格

新聞辭典~~~~~斯德哥爾摩症候群~~~~~遊子
這幾年來，佇台灣島內親中國的媒體和汎藍人士，毋管任何大細項事誌，攏是中國對，
台灣毋對‧陸委會吳主委就表示：即陣人親像頭殼歹去，得到斯德哥爾摩症候群共款！
實在予台灣人民真憤慨‧講什麼”1中1中”，生雞卵無，放雞屎有爾爾，3年前的SARS
、一寡仔雞災、鰻魚災、口蹄疫等等，攏嘛是予中國帶衰的；最近的禽流感，WHO將咱
台灣劃做中國的1省，算是禽流感疫區‧實在冤枉又夭壽啊！外交部已經出聲抗議，要
求改正；佇台灣島內親中國的媒體和汎藍人士，顛倒激恬恬，無聲音去啦！
什麼是”斯德哥爾摩症候群”(Stockholm’s syndrome)？
即句話的本意是講：被害的弱勢者在長期受到強勢侵害者的壓迫侵害支配之下，上尾仔
才放棄反抗，顛倒轉變做認同強勢侵害者，想講會當得到長期的安全感，佇心理上的一
種無奈、失望的轉變情況‧
佇1973年08月23日，2個歹人罪犯想欲對斯德哥爾摩的1間銀行搶劫，搶劫行動失敗後
，挾制4個銀行職員做人質；在6工的被挾期間內，4個銀行職員拒絕政府單位的搶救；
事誌過了幾仔個月後，被挾的銀行職員心理上共款對綁匪仁慈憐憫，拒絕佇法院對綁匪
的指控，搁進一步替綁匪準備律師費，後來，甚至有1個查某的銀行員，和其中1個綁匪
訂婚；in的反應實在予人真意外，想未到‧