莊子講(46)~~~邯鄲學步~~~遊子
燕國的1個囡仔，聽講邯鄲的人行路真特別，真優雅好看，就去到趙國的都城邯鄲，
想欲學邯鄲的人行路‧過了一段時間，伊不但無學到邯鄲的人行路的跤步，顛倒連
原本家己行路的跤步嘛放﹝勿會﹞記啦！心內想著真悲傷，上尾仔想茨，只好用爬
的倒轉去故鄉，
所以講：讀冊人原本是欲追求大道，想講會當恢復自然的本性，這是真好的理想；
不過，日長月久以後，真濟人定定迷失佇冊本內，顛倒行﹝勿會﹞冊本知識的束縛
，毋知人生的路愛按怎行才是正確的‧報紙嘛寫過留學的博士，續尾仔自殺；嘛有
留學的博士，﹝勿會﹞曉處理日常生活和感情的事項‧甘毋是予人看到會真怨歎的
事誌？
全站熱搜
留言列表
