jimmycmlin的部落格

用藥保健~~~~~多醣體~~~~~遊子
多醣體(Polysaccarrides)是醣類的一種；是咱人體每工一定需要的3大營養素之一：
卵白質、脂肪和醣類‧佇科學研究的資料顯示，多醣體有增加免疫力、抗癌細胞擴散、
降血壓等的功能；在逐種會當食用的菇類農產品內，攏含有濟少量的多醣體‧
自古早的靈芝就非常出名，看做仙單佇使用；即馬，製藥科技發達，市面上定定看到的
菇類農產品，已經以健康食品的型式推出，有做藥丸仔、藥粉仔、雞毛管等等，種類有
：巴西蘑菇、靈芝、樟芝、冬蟲夏草和一寡家己號名的菇類等等；價數攏訂著真懸，包
裝甲真高尚、真正嫷，予人感覺可能卡有效‧
其實，佇市場上定定看到的大、細蕊香菇，金針菇，木耳、銀耳等等，嘛攏含有真豐富
的多醣體，實在是俗佮好用的多醣體食材來源‧親像銀耳的多醣體，是屬於酸性異質的
多醣體，主要成份是葡萄糖和甘露糖；分子量大細差不多在50萬~600萬道爾頓(Dalton)
，最近的研究表示伊是天然的保濕因子，如果糊佇皮膚上，會當變成一層透明薄膜，來
提高皮膚內角質層的含水量‧
咱佇選擇相關健康食品時，愛看清楚政府機構核准的字號，毋通聽人講好就相信，嘛毋
是價錢卡貴的，效果就一定卡好喔！平時飲食平衡，保持定期運動的好習慣上要緊啦！