jimmycmlin的部落格

新聞辭典~~~~~海外長宿休閒~~~~~遊子
海外毋是長宿休閒(Long Stay)是世界上出國旅行的新用語‧因為伊毋是移民，嘛毋是永久居留；
一般的海外旅遊，有1禮拜至2禮拜就算是長工數的旅行啦！抑是旅行時間達到1個月至3個月長，就
會當叫做海外長宿休閒囉！
海外長宿休閒佇歐、美國家，參與的人卡濟，嘛無分歲數的大細，老、中、青攏有；佇日本算是拄
仔起步爾爾，大部份是退休的銀髮族參與，是日本退休金市場的開發目標‧嘛是日本新的海外旅行
方式‧
會想欲參與海外長宿休閒的人，伊的目的毋是干哪旅遊看風景，又想欲體驗無共國家地區所在，當
地人的生活習慣和風俗，甚至嘛有撥工參與當地的志工活動
(Volunteer)，親像當地的教堂、學校、社團、社區團體等等‧教當地的人外國語、插花、料理、
手藝等等，予伊本身嘛會當教學相長‧
其實佇日本會開始流行，一方面是戰後嬰兒潮的人，一般所講的團塊世代，人數真濟，開始進入退
休的階段；另外一方面是所領的退休金，佇日本國內過日子有稍可仔無夠；所以，選擇參與海外長
宿休閒，1年度有2-3個月去生活費用卡省的國家地區，嘛會當避開日本寒冷的季節，變成親像渡鳥
共款，遷徙去卡溫暖氣候的地區所在，進行渡鳥式休閒，順續學外國話，嘛是真趣味的經驗啊！
台灣可能嘛會綴著歐、美國家和日本的跤步，漸漸會接受海外長宿休閒的方式喔！相信這嘛是一塊
大市場耶！