jimmycmlin的部落格

新聞辭典~~~~~大氣褐雲~~~~遊子 2008.11.15.
媒體報導：新的空氣污染”大氣褐雲”，將會危害到亞洲的城市，其他包括
：中東、南非佮亞馬遜盆地等等，亦攏會受到危害‧到底什麼是大氣褐雲？
佇空氣中飄浮真正幼粒仔的物件，走去天尾頂的大氣中佮雲互相作用後，就
變成咱所講的大氣褐雲‧伊造成的原因主要是：因為佇地球的地面上焚燒化
學石油燃料佮其他柴火來造成；這佇較落伍的國家地區，佇空闊的所在，燒
東燒西是定定看會到的代誌‧會予天尾頂的大氣層溫度提懸，變成較溫暖；
佇地球的地面上嘛因為日頭愈照時間愈短，規的地面上愈來愈暗，日頭照的
時間長短佮大細嘛無穩定，予地面上的溫度會漸漸來降低‧
今年北京奧林匹克運動會時，所出現的霾害，就是大氣褐雲所做成的例‧予
專家點名受大氣褐雲影響上嚴重的城市有：中國的北京、上海、深圳，印度
的新德里、孟買、加爾各達，巴基斯坦的喀拉蚩，孟加拉的達卡，泰國的曼
谷，埃及的開鑼，南韓的首爾，伊朗的德黑蘭，奈及利亞的拉哥斯等13個城
市‧
依照聯合國環境規劃署的研究報告指出，抑是會當停止污染源頭，大氣褐雲
就會使佇幾禮拜內消失，袂親像造成全球暖化的溫室氣體，需要經過幾仔十
年，換勢需要閣較久長的時間，才有法度改善恢復正常‧