jimmycmlin的部落格

新聞辭典~~~~~千面人~~~~~遊子 2009.01.01.
“歹年冬厚痟人”，最近又出現無頭路的科技廠員工，扮起千面人來
恐嚇食品廠商的事件‧
什麼是”千面人”？
千面人這個名詞，是起頭自1984年的日本國內，彼當時，有歹徒佇森
永牛奶糖內下毒，放聲恐嚇森永食品廠商來提錢；後來，這種犯罪的
手法開始傳染到全世界，毋哪日本國內連續發生幾仔百件類似的案件
，連台灣、美國、中國、義大利、菲律賓、韓國等等，嘛傳出有千面
人的恐嚇案，做成消費者的不安佮驚惶‧
自稱是”怪人21面相”的犯罪集團，起頭是綁架”古力果”(Glico)
會社的社長，要求10億日幣的贖金，後來，因為肉票逃脫成功，予歹
徒的計劃失敗；這個犯罪集團的歹徒，佇事件失敗後，換向森永製果
會社恐嚇，講欲佇森永的糖仔商品下毒，彼當時嘛有學生囡仔無拄好
去食到引起中毒，趕緊送病院急救‧
因為日本的警方一直無法度正確掌握著歹徒的面目，媒體開始用千面
人來描述這種專門佇食品下毒來恐嚇會社的歹徒；到今仔日，猶原無
破案，變成1件懸疑案件，無人知影”怪人21面相”到底是何方人士
？亦是1個集團組織？
伊所造成的影響是：千面人的犯罪手段傳染去全日本國內佮全世界的
國家，歹徒有樣看樣，造成企業會社袂食袂睏，社會民心驚惶不安，
對警方辦案能力亦是上大的考驗。