jimmycmlin的部落格

用藥保健~~~重耳的現象~~~遊子 2009.02.03.
佇日常生活中，是毋是定定聽袂清楚別人對你講的話？
家己有閒檢查看覓，抑是，出現下仔的重耳的現象，一定
愛揣時間去耳鼻喉科予醫生做進一步的檢查：
(1).佮人開講參詳時定定拜託對方閣重講一擺？
(2).親朋好友向你反應過你看電視亦是聽音響時陣，聲音捘
了殤大聲？
(3).定定無聽到電話亦是門鈴[耳真]的聲音？
(4).去銀行、公所辦事誌時，定定無聽到叫著你的名？
(5).眾人開會討論時，定定聽袂清楚別人講的內容？
(6).規陣人做伙開講，有人講話較細聲感覺聽著較食力？
(7).晚會亦是看表演時，定定聽袂清楚台頂的人佇講什麼？
(8).人客濟較闊的所在，聽人講話有較食力？
(9).企佇車濟的大路邊佮人講話感覺有較食力？
(10).對尻川後傳來的聲音較無法度慣勢？
抑是，定定出現3種以上的現象，上好緊去予醫生做進
一步的重耳檢查；需要的時愛配助聽器，親像目睭近視、
老歲仔目戴目鏡共款，來改善提升生活品質‧