jimmycmlin的部落格

新聞辭典~~~~~庫藏股~~~~~遊子 2009.01.09.
媒體報導：舊年有481間企業，開規千億去買庫藏股，因為誤信政府的判斷，
這的企業變成欠錢銀歹過冬啦！什麼叫做庫藏股？
庫藏股佇歐美國家已經實行幾仔年囉！咱台灣佇2000年才正式立法通過綴著
行‧
簡單講：庫藏股就是公司以內部自有資金，由公開股票市場直接買回家己公司
的股票‧一般伊有3個目的：(1).保護股東的權益，講較白就是護盤啦！予股價
毋通一直落‧(2).轉讓予員工，做為股票選擇權，是欲留著員工的獎賞方法之一‧
(3).亦有可能公司的股本膨賬甲傷過大，順機會用來註銷股票數減少股本‧
毋過，證交所亦指出：根據證交法第28條之2條的規定，買回庫藏股，偌是欲
註銷股本，需要佇6個月內辦理完成；偌是欲轉讓予員工，需要佇3年內實施；
抑是，註銷股本時，買回的平均價數比市價較低，產生的價差會變成資本公積的
減項，嘛會損害到股東的權益；抑是，欲用比市價較低的價數來轉讓予員工，做
帳時中間亦有認列費用的問題，需要列出佇損益表內；當期公司趁的利益會減少
，實在講對股東的權益嘛是受到影響啦！