jimmycmlin的部落格

新聞辭典~~~~~荖花荖葉~~~~~遊子 2010.01.09.
媒體報導：農委會主委佇輔選活動時宣佈答應將荖花荖葉納入災害就助的項目，有政策買票的嫌疑，亦是危害著咱國人健康的政策‧荖花荖葉到底是什麼農作物啊？
荖花是雌性荖藤的花橞，荖葉是雄性荖藤的葉，攏屬於胡椒科的植物，大部份種植佇平地所在；目前主要做為檳榔的輔佐物，佇台灣估計哺檳榔的查埔大約有15%，查某大約有1%，所以，哺檳榔的總數應該是超過200萬人‧
哺檳榔的方式上普遍是有2種：
[1].將檳榔剖開，中央夾1片荖花佮參淡薄仔石灰亦是其他佐料，這就是一般所講的紅灰檳榔啦！
[2].另外一種是佇荖葉上塗石灰無閣加荖花，這就是一般所講的白灰檳榔亦叫做包葉檳榔啦！
依據研究，荖花含有高劑量的黃樟素，黃樟素亦已經予專家證實是會致癌的成份，會引起發生肝癌，所以，紅灰檳榔毋哪會造成喙內癌，亦會進一步發生肝癌喔！抑是荖葉，到目前為止猶未發現到有致癌的成份，所以，白灰檳榔亦是包葉檳榔猶原會造成喙內癌亦是前期的病變‧
總講1句：戒除哺檳榔的歹習慣，才是維護咱身體健康上好的方式啦！