jimmycmlin的部落格

用藥保健~~~~~腦性麻痺~~~~~遊子
看到報紙寫著：1位有憂鬱症的查埔老師，親手熻死伊的查某囝，因為不忍有
腦性麻痺的查某囝受苦，嘛煩惱伊的牽手無法度照顧即個腦性麻痺的查某囝，
才做出即款予人傷心的遺憾事‧
什麼是腦性麻痺？
佇婦產科的統計資料來看，差不多每200個的嬰仔中間，就有可能出現1個腦
性麻痺的嬰仔；一般先天性的是嬰仔的腦部受傷抑是生產過程中出現欠缺氧
氣所做成；後天性的原因包括：頭殼受傷、發燒感染、生腦瘤、意外造成腦
部欠缺氧氣等等，損害到運動神經，造成患者的協調困難，佇講話方面、動
作方面、視覺、聽覺、學習方面等等，出現障礙，續落來造成精神上的困擾
，佇生活上本身無方便，身軀邊仔的親人嘛無方便‧
不過，佇照顧身心障礙的囡仔，因為宗教、民族文化的無共，有正面和負面
無共的想法和處理態度‧
正面的想法和處理態度：
認為身心障礙的囡仔來到人世間，是活菩薩，是上帝特別選出來的天使，所
以，才會入來上適合、有愛心、欲修行的家庭內，予in來照顧伊‧這個家庭
內的父母，認為上帝將身心障礙的囡仔，關著1片門窗，一定嘛會替伊拍開
另外1片門窗‧這個家庭內的父母，嘛一定會予伊好好仔大漢佮成長‧
負面的想法和處理態度：
這個家庭內的父母想講和伊是相欠債，做父母的替囡仔還債；抑是囡仔佇頂
世人做歹事，今生來報應，家庭內的父母想講拄著就拄著，亦是認命，便行
便看‧不過，抑是看﹝勿會﹞開、想﹝勿會﹞開的時，就可能做出遺憾事啦
！
萬一拄著即款情形，一定愛用正面的想法和處理態度才對，家庭內的父母愛
先面對事實，接受事實，盡力以外，嘛毋通﹝勿會﹞記得向外界尋求鬥相共
，鬥幫忙，因為外頭的協助，是真大的支持力量喔！才會當避免不幸的遺憾
事發生‧