用藥保健~~~按怎防止老大人行無去~~~遊子 2009.012.03.
咱台灣已經進入老人的社會囉！不時看到出門的老大人行無去
的新聞報導，予茨裡的人緊張驚惶，無拄好亦發生不幸得意外‧
咱愛按怎來防止老大人行無去的發生？
(1).咱家屬會使為老大人隨身配戴名排佇身上，名排有寫：姓、
名、茨內電話號碼佮住址‧
(2).佇茨內加裝較複雜的門鎖亦是風鈴等會出聲的警示物‧
(3).茨內老大人欲出門，上好至少有1人通陪伴，有2人以上來
陪伴是閣較好啦！
(4).失智老大人的家屬會使提著失智鑑定證明向所蹛的縣市政府
社會局處申請預防走失的手環亦是手鍊‧
(5).失智老大人的家屬會使向所蹛的警察局申請”按押指紋”的服
務，萬一茨內老大人行無去，會使利用警察局的連線系統來查
詢揣人‧
(6).平常時咱就愛佮茨邊頭尾，樓頂樓跤相借問，聯絡感情，互
相關懷照顧茨內的老大人‧
全站熱搜
留言列表
