jimmycmlin的部落格

新聞辭典~~~GDP國內生產毛額~~~遊子 2009.02.19.
媒體報導主計處發佈新聞稿講：咱台灣的經濟有影[禾黑]，今年的
GDP國內生產毛額可能是負2.97%，比起原先預測的2.12%降落一大
節‧GDP國內生產毛額到底代表什麼意思？
GDP(Gross Domestic Product)國內生產毛額是表示：一個國家
所管轄境內總經濟活動的總額數‧亦會使講是一個國家所有人民，
包括蹛佇當地的外國人、佇當地成立的外商，佇1段時間內(一般是
1年)所生產出來的上尾仔商品佮勞務市價的總額‧不過，無包括該
國人民佇國外的所得‧親像講：王先生戶口佇台灣，不過，餐廳開
佇日本，王先生佇餐廳賺的錢是算入去日本的GDP國內生產毛額內
‧
GDP國內生產毛額又閣分做：名目國內生產毛額，是以當期的物價
來計算；實質國內生產毛額，是以某一個基期的物價來計算‧
實質國內生產毛額的成長率就是咱一般所講的經濟成長率，佇經濟
學上，定定予人提來做逐國經濟發展狀況好[禾黑]的比較‧
GDP計算的公式是：
GDP國內生產毛額 = C民間消費 + I 民間投資 + G 政府支出 +
X外銷出口 – M進口
所以，一個國家的經濟成長率抑準出現衰退時，這個政府會緊想辦
法提出增加民間消費、投資、外銷出口佮擴大政府支出的政策來對
應‧