close
新聞辭典~~~~~五帝錢~~~~~遊子 2009.03.14.
媒體報導：有人為著補財運，去偷提五帝錢---的消息‧現此時，咱知影有新台幣、美金、日圓、人民幣、歐元等等，到底什麼是五帝錢？
民間所講的五帝錢是指順治、康熙、雍正、乾隆、嘉慶等，清朝盛世時5位皇帝在位期間所鑄造的錢銀，後來真濟風水仙地理師認為：五帝錢匯集著天氣、地氣、人氣等等，有鎮宅、化煞、解運等等的功能‧
苗栗縣民俗專家張益銘講：五帝錢主要是用來制煞，一般是掛佇門跤口，目的是趨吉避凶，並毋是用來招財進寶；彼是予後來的人聯想著招財，閣有一寡仔命理仙的宣傳，佇社會上才漸漸來時行掛五帝錢‧
其實掛五帝錢上主要的是心理安慰作用，予人精神上較安定；相信伊有效的人，茨的門跤口掛了後，可能感覺較安心，心安自然發揮正面的影響作用‧
時代過了赫尼阿久，現此時佇市場上所看到的五帝錢，差不多攏是仿造的啦！真少是真正的清朝五帝錢，一般毋免200箍就會當買到‧
全站熱搜
留言列表
