jimmycmlin的部落格

莊子講(48)~~~你毋是魚按怎知影魚的快樂~~~遊子
有1工，莊子和惠子同齊行到溪仔邊‧
莊子開喙講：啊~~！在水底的魚仔泅來泅去，看伊有夠歡喜，這就是魚仔的快樂啦！
惠子聽了後心內不服，就應講：你又毋是魚仔，按怎知影魚仔的快樂？
莊子聽了後笑笑仔講：你又毋是我，是按怎知影我毋知魚仔的快樂？
惠子聽了後心內搁卡不服，又講：我毋是你，當然毋知影你啦！但是，你嘛毋是魚仔
，所以，你無法度知影魚的快樂，這是會當確定的事誌啊！
莊子又講：在你一起頭問我“按怎知影魚仔的快樂？”即句話的時，你甘毋是已經知
影我知影魚仔是快樂的！
惠子聽了後共款心內不服，不過，應﹝勿會﹞出半句話來‧
所以講：咱以第三者的立場來看，惠子是想欲理性的求證和推理，但是，在運用伊的
知識來做求證和推理時，不知不覺中，顛倒﹝勿會﹞記得前後的順序，疏忽著真重要
的物件，莫怪伊續尾仔應﹝勿會﹞出半句話來‧這在近代的科學來講，就是理則學啦！